Nufa-n Tala n Ulili
Tessemḍay alili ;
Tenγa-kem a tilelli
Tessiger i yimeṭṭawen.

Izri urgaz n lεali,
Ul d tasa n tamelli ;
Γer sdat iga tikli
Ira akk imdanen.

A Dda Lmulud !
A Dda Lmulud !
Aman ira ugdud.
A Dda Lmulud !
A Dda Lmulud !
Iman s nla afud.

Isra am uḥuli,
Aṣemmiḍ ur illi
Acengu n tfeḥli
Ay d as-hilli imedyen.

Ayt Mεemmer isli
Mi ittwaker umulli,
Itri-nnes aha yuli,
Da ismuyud iεdawen.

A Dda Lmulud !
A Dda Lmulud !
Aman ira ugdud.
A Dda Lmulud !
A Dda Lmulud !
Iman s nla afud.

Neswa deg Tala n Ulili
Tayeḍ am yiḍelli ;
Imal diγ a nwali
Timerẓag itteqqlen.

A Dda Lmulud !
A Dda Lmulud !
Aman ira ugdud.
A Dda Lmulud !
A Dda Lmulud !
Iman s nla afud.

Iɣil Σebbuda (Leqser) deg 16 ɣuct 2941 / 04- 08- 1991

Tameddurt s tegzel n umedyaz

Ilul Σumar DERWIC deg yiγrem n Igelmimen deg ugmuḍ anẓulan n tmurt n Meṛṛṛṛṛɣɣṛṛṛṛṛṛṛrṛṛṛruk. Iga aselmad deg uγerbaz ideg ababat n kraḍ n warraw. Iga, diγ, amaslaḍ deg tmesmunt tamettit tadelsant Tilelli n Tizi n Imnayen (Gulmima) deg Merruk.

Yessuffeγ-d ammud-nnes amezwaru n isefra imsinetlayen (tamaziγt - takaṭalant) ilan azwel ANFARA, deg tmurt n Kaṭalunya deg wayyur n ma¨s n useggwas n 2955 (2005).

Agaluz n tfarest-nnes tadyazant akk d tseklant (imagraden d yisuɣal d tallasin), ittwarun, s tumast, s tutlayt tamaziγt illa ittwaẓreg deg yitsent tesγunin timerrukiyin d tmezγarin.